Екипата на Ливерпул, под водство на тренерот Арне Слот, го освои шампионскиот пехар во Премиер лигата, но едно неочекувано откритие за холандскиот стратег изненади голем дел од фановите на „црвените“.

Арне Слот пристигна на чело на Ливерпул како замена за Јирген Клоп, кој девет години го водеше клубот и освои осум трофеи. Холанѓанецот ја обезбеди титулата четири кола пред крајот на сезоната со убедлива победа од 5-1 над Тотнем на „Енфилд“ и на тој начин покажа дека може да биде одлична замена за германскиот стратег.

Но, тоа што голем дел од навивачите на Ливерпул и пошироката јавност не го знаеа е дека всушност неговото име не е Арне, туку Аренд Мартин Слот. „Аренд“ на холандски значи орел и ретко се користи во неговата земја, додека прекарот Арне го наследил од својот татко.

Ова откритие предизвика лавина реакции на социјалните мрежи, со фановите кои изразуваат неверување: „Не знам дали ќе го прифатам ова“, „Она чувство кога дознаваш дека неговото вистинско име не е Арне“, „Морам да седнам откако го дознав ова“, и „Ова е како кога дознав дека Хозе е вистинското име на Пепе Реина“, се само дел од коментарите.