Вежбите кои вклучуваат аеробни активности, како што се одење и возење велосипед, повторени трипати неделно, се покажало дека ја подобруваат еректилната функција кај луѓето со еректилна дисфункција.

Поврзаноста помеѓу вежбањето и подобрите перформанси во спалната соба била откриена кај учесници со различни типови тело и тежина и не се разликувало според медицинските состојби или употребата на лекови.

„Вежбањето е нискоризична и бесплатна активност, што го прави идеален почетен третман за проблеми со ерекцијата, особено за пациенти кои не сакаат или не можат да користат лекови“, вели физиологот Лари Милер од „Милер саентифик“.

Најголемите промени се забележани кај мажите со посериозни форми на еректилна дисфункција. На стандардизирана скала од шест до 30, оние со потешки форми кои вежбале забележале подобрување од пет поени, додека оние со поблаги проблеми подобриле од два до три поени.

Физичката активност долго време се поврзува со подобрување на еректилната функција бидејќи ја подобруваат циркулацијата на крвта во телото. Вежбањето помага и во борбата против дебелината и намалувањето на крвниот притисок, кои исто така се два фактори за еректилната дисфункција.

Она што е особено интересно е дека аеробните вежби имале сличен позитивен ефект како и лековите како Виагра и Сиалис, па затоа може да се користат наместо или во комбинација со нив.

Лековите како Виагра и Сиалис довеле до подобрувања од четири до осум поени на скалата. Тимот кој стои зад истражувањето истакнува дека вежбањето треба почесто да се препишува за луѓе со еректилна дисфункција.