Сојузниците на НАТО ќе ги подобрат одбранбените капацитети и одбранбените способности со поставување нови, амбициозни цели, изјави денес генералниот секретар на НАТО, Марк Руте, пред состанокот со министрите за одбрана во Брисел, кој се одржува неколку недели пред самитот на НАТО во Холандија.

„Воздушната и ракетната одбрана, оружјето со долг дострел, логистиката и големите копнени маневарски формации се меѓу нашите главни приоритети“, рече Руте, според Ројтерс.

Руте додаде дека овие цели треба да специфицираат какви сили и специфични способности треба да обезбеди секој сојузник за да го зајакне нашето одбранбено осигурување.

Тековната цел на НАТО за одбранбени трошоци е 2 проценти од БДП, а 22 од 32 членки моментално ја исполнуваат или надминуваат.