Двајца насилници од Берово добија кривична пријава откако се степале со други двајца жители на градот во двор од куќа, при што се обиделе да користат и ножеви, соопшти МВР.

„Надворешната канцеларија за криминалистички работи Берово поднесе кривична пријава против Ф.И.(44) со престој во Берово и Е.А.(24) од Берово поради постоење основи на сомнение за сторено кривично дело „загрозување со опасно орудие при тепачка или караница“. На 18.05.2025 во дворно место од семејна куќа во Берово бил нарушен јавниот ред и мир со физичка пресметка помеѓу Ф.И., Е.А., Н.А. и М.Д., при што Ф.И. и Е.А. се обиделе да употребат остри предмети“, пишува во полицискиот билтен.