Во населбата Градинар во општина Кисела Вода се гради мултифункционално игралиште на површина од над 1100 метри квадратни. На игралиштето ќе има детско катче опремено со нови реквизити, фудбалско игралиште, кошаркарско, простор за возрасните и урбана опрема која дополнително ќе го разубави просторот.

 За многу брзо време од сега жителите на Градинар ќе добијат простор за одмор, за рекреација и спортување, изведен по сите современи стандарди. Претходно, ги обновивме улиците и изградивме фекална мрежа. Во целата општина решаваме децениски проблеми со цел во целост да го смениме имиџот на Кисела Вода која за жал во минатото беше синоним за лоша инфраструктура и за негрижа на одговорните – вели градоначалникот Орце Ѓорѓиевски.