Поранешниот мексикански нарко-бос Исмаел „Ел Мајо“ Замбада денес се изјасни за виновен по обвиненијата на САД поврзани со неговото долгогодишно водење на насилниот картел Синалоа и трговијата со дрога во Соединетите Држави, јавија американските медиуни.

Замбада, кој се смета за коосновач на картелот Синалоа, се изјасни за виновен пред федералниот суд во Бруклин по обвиненијата за учество во рекетарска завера и водење на континуиран криминален потфат, за кој обвинителите велат дека е одговорен за увоз и дистрибуција на големи количини дрога во САД.

Обвиненијата произлегоа од неговата долгогодишна улога во водењето на картелот заедно со затворениот нарко-бос Хоакин „Ел Чапо“ Гузман, кој отслужува доживотна казна во затвор со максимална безбедност во Колорадо.