Камиони на Обединетите нации што носеле помош за воено разурнатиот судански регион Северен Дарфур биле нападнати, а првите извештаи укажуваат на повеќе жртви, изјави портпаролот на организацијата, јавува Би-Би-Си.

Суданската влада соопшти дека во нападот загинале чувари, возачи и цивили, за што ги обвини Силите за брза поддршка, паравоена група која се бори против армијата во граѓанската војна.

Четири члена на конвојот на ОН беа убиени, а двајца беа повредени, изјави портпаролот, Баша Табик во објава на Икс.

ОН не кажа кого го сметаат за одговорен, но објасни дека конвојот бил нападнат додека чекал да се упати кон Ел Фашер, опколен град каде што е пријавен глад.

Војната, која започна пред повеќе од две години, создаде една од најлошите хуманитарни кризи во светот. Денеска, Јуџин Бјун, портпарол на агенцијата за бегалци на ОН, изјави дека повеќе од четири милиони луѓе ја напуштиле земјата од почетокот на конфликтот.