Индиската армија објави дека пакистанските вооружени сили извршиле повеќекратни напади преку ноќ со беспилотни летала и други видови оружје по целата западна граница.

Во соопштение објавено на мрежата „X“, индиската армија соопшти дека сите напади биле „ефикасно одбиени“ и дека „одговориле соодветно“ по линијата на контрола во Кашмир, објави CNN (CNN).

Министерот за информации на Пакистан, Атаула Тарар, негираше дека Исламабад започнал какви било напади врз територијата контролирана од Индија, вклучувајќи ги градовите Патанкот, Сринагар и Џајсалмер, обвинувајќи ги индиските медиуми за „ширење дезинформации“.