Универзитетскиот професор Нано Ружин во емисијата „24 анализа“ изјави дека „многу малку се зборува дека почнува еден вид реглобализација и деглобализација“ на светскиот поредок.

– Таа деглобализација која е подолго време маргинална почна со протекционизмот на Трамп кон САД и аналитичарите се согласуваат дека украинската криза е ништо во споредба со глобалните настани кои ја очекуваат светската меѓународна заедница. Тука е ривалството на Кина со САД и Кина да стане економска сила. Потоа е судирот помеѓу државите да се сочува сегашниот поредок, рече Ружин.