Наместо во Ријад, Зеленски утре во Анкара
Украинскиот претседател Володимир Зеленски утре (18.02) ќе ја посети Анкара за да се сретне со турскиот претседател Реџеп Таип Ердоган.
Препорачано
Според соопштението на Дирекцијата за комуникации, за време на разговорите ќе бидат разгледани сите аспекти на стратешките партнерски односи меѓу Турција и Украина и ќе се разговара за мерките што треба да се преземат за натамошно зајакнување на соработката меѓу двете земји.
Cumhurbaşkanımız Sayın Recep Tayyip Erdoğan, davetine icabetle ülkemize resmi bir ziyaret gerçekleştirecek olan Ukrayna Devlet Başkanı Volodimir Zelenskiy ile 18 Şubat Salı günü Cumhurbaşkanlığı Külliyesinde görüşeceklerdir.
Görüşmelerde, Türkiye-Ukrayna stratejik ortaklık…
— Fahrettin Altun (@fahrettinaltun) February 17, 2025
Украинскиот претседател Володимир Зеленски изјави дека Украина нема да учествува во американско-руските преговори во Ријад, но дека ќе отпатува во Саудиска Арабија оваа недела на одделни разговори со саудиските власти.
Американскиот државен секретар Марко Рубио, советникот за национална безбедност на Белата куќа Мајк Волц и специјалниот пратеник за Блискиот Исток Стив Виткоф ќе ги претставуваат САД во разговорите со Русија, што ќе се одржат утре, вторник, во Ријад, соопшти Стејт департментот.
Тројцата американски претставници „ќе се сретнат со руската делегација во Ријад во вторник“, изјави портпаролката на Стејт департментот Тами Брус.
Рускиот министер за надворешни работи Сергеј Лавров и Јуриј Ушаков, советникот за надворешна политика на рускиот претседател Владимир Путин, се очекува денеска да летаат за Ријад на оваа средба, соопшти претходно руското претседателство.
„Украина нема да учествува. Украина не знаеше ништо за нив. Украина ги доживува сите преговори за Украина без Украина како преговори без резултати. Не можеме да признаеме ништо или какви било договори за нас без нас, им рече Зеленски на новинарите во понеделникот.
Украинскиот претседател потврди дека оваа недела ќе престојува во официјална посета на Саудиска Арабија и Обединетите Арапски Емирати, но дека оваа средба не е поврзана со американско-руските преговори што ќе започнат во вторник во Ријад.
Зеленски додаде дека ќе го праша саудискиот престолонаследник Мохамед бин Салман што знае за преговорите, „едноставно од интерес“.
