Maкедонската одбојкарска репрезентација беше поразена во вториот меч од квалификациите за Европското првенство откако Грција вчера во „Јане Сандански“ победи со 3:1 во сетови.

Со победа Македонија ќе го обезбедеше учеството на Европското првенство, меѓутоа и во ваква ситуација не е ништо загубено. Тоа го истакна и селекторот Хари Наковски по средбата.

„По маестралниот прв сет дојде до пад во останатите, Грција го покажа својот квалитет. Тоа дојде до израз во продолжението од мечот. Нè пореметија во вториот сет со ризичниот сервис, а ние имавме проблем со дистрибуцијата. Данокот на некомплетноста оваа недела го даде тој резултат. Ако немавме проблеми и бевме комплетни, можеби ќе го одржевме ритамот и играта ќе беше поинаква. Шансата останува, имаме натпревари со Грузија дома и со Грција на гости. Со победа против Грузијците од 3:0 и некој освен сет со Грција можеме да одиме на Европско првенство“, изјави Наковски.

Следните натпревари од квалификациите се играат наредниот август.

Најдобрите македонски одбојкари поразени од Грција во квалификациите за ЕП 2026