Најниска температура од минус пет степени Целзиусови утрово е измерена во Крушево. Следат Маврови Анови и Струмица со минус четири степени, минус три Берово, Демир Капија, минус два Битола, Прилеп, Претор, минус еден Охрид, Штип, Крива Паланка, нула Скопје-Петровец, Виница, Кавадарци, Гевгелија, еден Тетово, Дебар, Куманово, два Скопје-Зајчев Рид, Дојран и три степени Велес.

Висината на снежната покривка во 7 часот изнесува десет сантиментри во Маврови Анови, шест Крушево, четири Попова Шапка, Дебар и два сантиметри во Тополчани.

Времето денеска променливо облачно со сончеви периоди. Ќе дува умерен, а наместа долж Повардарието повремено засилен ветер од северен правец. Максималната температура ќе биде во интервал од 2 до 11 степени.

Во Скопје променливо облачно со умерен до засилен ветер од северен правец. Максималната температура ќе достигне 8 степени.