Производителот на зачинети закуски, Пакви, побара од трговците на мало ширум САД да престанат да ги продаваат чипсовите по трагичниот инцидент во Масачусетс. За жал, 14-годишниот тинејџер Харис Волобах почина на 1-ви септември додека учествуваше во вирален предизвик познат како „Уан Чип Челинџ“, откако ги изел најлутите чипсови во светот. Предизвикот вклучува обид да се издржи силната топлина без да се консумира течност или храна што е можно подолго по консумирањето на овој огнен чип од тортилја, како што објави Дејли Мејл. Чипсовите „Уан Чип Челинџ“ се продаваат за приближно 10 долари и се спакувани во затворена фолија торба, која потоа се става во картонска кутија во облик на ковчег. На пакувањето јасно стои предупредувањето дека овие чипсови се наменети исклучиво за возрасни и дека треба да се чуваат подалеку од дофат на деца и дека обезбедуваат „одмаздливо задоволство од силна топлина и болка“. Пакви, која е подружница на Херши Компани, изрази длабока тага и сочувство за смртта на тинејџерот во изјава објавена на нејзината веб-страница, пренесува Дневник.