Португалецот на „Џузепе Меаца“ пристигна во 2016 година од Спортинг Лисабон за сума од 40 милиони евра и претставува едно од најголемите промашувања на Интер.
Жоао Марио не успеа да се наметне во Интер и беше на позајмица во Вест Хем, Локомотив Москва и  Спортинг кој сакаше да го врати во своите редови, но нудеше само 3.5 милиони евра.
Друг португалски клуб дојде со подобра понуда, Бенфика понуди 7.5 милиони евра, но челниците на Интер во страв од правни акции кои можеше да ги покрене Спортинг, не ја прифатија понудата.

Причината е клаузулата во договорот на Жоао Марио според која Интер мора да му плати на Спортинг 30 милиони евра доколку фудбалерот биде продаден на некој друг португалски тим. Поради тоа, челниците на Интер одлучија да го раскинат договорот со фудбалерот и да останат без неколку милиони, додека Жоао Марио е слободен да потпише за Бенфика.