Најголеми виновници за Вардариште и загушеното Скопје се Мицкоски и неговите градоначалници, велат од СДСМ
Опозициската СДСМ остро реагира поради депонијата Вардариште која и утрово гори и шири неподнослива смрдеа. Од партијата велат дека најголеми виновници за Вардариште и загушеното Скопје се Мицкоски и неговите градоначалници.
Препорачано
-
1
-
2
-
3
„Скопје денеска буквално се гуши поради неспособноста на власта и градоначалниците од ВМРО-ДПМНЕ. Најголем симбол на таа неспособност е дивата депонија Вардариште, извор на загадување и закана по здравјето на над 150 илјади граѓани од Аеродром и Гази Баба.
Четири години двајца градоначалници на ВМРО-ДПМНЕ, не ги исполнија ветувањата и не најдоа решение за една дива депонија. Четири години ветувања кои се покажаа како големи лаги, а резултатот е чад и опасност за здравјето за скопјани“ порачаа од СДСМ.
Оттаму го обвинија градоначалникот на Кисела Вода, Орце Ѓорѓиевски, дека наместо решенија ги манипулира скопјани.
„Доста беше лаги и неспособност. Време е за вистински решенија кои ги има СДСМ и Каја Шукова, време е Вардариште да стане безбедна локација а не еко-бомба под прозорите на скопјани“ посочуваат од партијата.
