Пред девет години престижниот весник „Journal of Personality and Social Psychology“ објави психолошка студија, што уште еднаш го потврди она што одамна е познато во психологијата и пошироката јавност – некои од најгласните противници на ЛГБТИ заедницата се всушност хомосексуалци кои одбиваат да го признаат тоа, пишува „Индекс“.

Студијата беше спроведена од експерти од Универзитетот во Рочестер и Универзитетот во Есекс во Велика Британија и Универзитетот во Санта во САД кои заклучиле дека хомофобијата е поизразена кај оние кои не признаваат дека ги привлекуваат луѓе од ист пол и кај оние кои пораснале заедно со авторитарни родители кои де факто забранувале такви желби.

Психолошките студии ја потврдуваат врската помеѓу хомофобијата и непризнавањето на сопствената хомосексуалност

„Личностите кои се идентификуваат како хетеросексуалци, но покажуваат силна привлечност кон истиот пол во психолошките тестови, се чувствуваат загрозено од хомосексуалците и лезбејките затоа што ги препознаваат сличните склоности во себе“, објасни Нета Вајнстин, предавач на Универзитетот во Есекс и главна авторка на студијата.

„Во многу случаи, ова се луѓе кои војуваат со себеси и го свртуваат тој внатрешен конфликт кон надвор“, додава коавторот Ричард Рајан, професор по психологија на Универзитетот во Рочестер.

Тоа, се разбира, не значи дека сите хомофоби се хомосексуалци, но значи дека тоа е едно од научно заснованите објаснувања за нечии анти-ЛГБТИ ставови.

Близок соработник на Виктор Орбан фатен на геј-оргии во Брисел

Има многу примери за хомофоби кои се хомосексуалци, па ќе потсетиме на некои политичари и верски водачи за кои се покажа дека ја изразиле својата интернализирана хомофобија или, колоквијално, автохомофобија, со ширење омраза кон ЛГБТИ луѓето.

Најсвежиот пример е скандалот што изби во Брисел кон крајот на минатата година, кога близок соработник и европратеник од партијата на Виктор Орбан беше фатен во геј оргии.

Според белгискиот весник „Derniere Heure“, полицијата прекинала забава на која присуствувале 25 лица. Конзумирале алкохол и дрога, а имало и групен секс, а на забавата имало повеќе мажи. Кога упаднала полицијата, неколку учесници биле голи, а еден се обидел да избега.

Организаторот нa геj-oргијата во Брисел открива: Унгарскиот европратеник правел секс-забави и во својот дом

Тоа бил Јозеф Сајер, еден од најпознатите и најистакнати политичари на политичката партија Фидес, која ја основаше со Орбан. Сајер ги поддржуваше и ги артикулираше хомофобичните политики на Фидес, за да се открие дека тој всушност се борел против сопствената сексуална ориентација, додека истовремено го загорчуваше животот на нормалните ЛГБТИ луѓе.

По шокантното откритие на белгиските медиуми, Сајер поднесе оставка како член на Европскиот парламент и во изјавата се извини до своето семејство, колеги и гласачи, велејќи дека жали што ги прекршил белгиските мерки против коронавирусот. Тој не ја коментираше сопствената хомосексуалност, иако буквално беше фатен во геј-оргии.

Републикански политичари вмешани во геј скандали

Пред неколку години, сенаторот на Охајо, Весли Гудман поднесе оставка откако се дозна дека имал секс со маж во неговата канцеларија.

Оставка си поднесе и поранешниот државен сенатор во Оклахома, Ралф Шорти откако беше обвинет за детска проституција поради наводно барање секс од 17-годишно момче. Подоцна, Шорти одлучи да се изјасни за виновен по обвиненијата за трговија со деца.

И Гудман и Шорти се мажи во брак, кои беа јасни политички противници на ЛГБТИ заедницата додека беа на политичка функција. Откако беше уапсен Шорти, „Associated Press“ истакна дека тој „рутински“ гласал за предлог закони против ЛГБТИ-правата. Од друга страна, Гудман беше многу погласен во својата хомофобија, фалејќи се дека „доследно ја промовира својата вера и конзервативни вредности“. Тој на „Твитер“ се претставуваше како „христијанин, американец, конзервативец и републиканец“.

Тој водеше анти-геј кампања додека барал партнери за секс на „Grindr“

Порториканскиот конзервативен сенатор Роберт Аранг се истакнуваше по своите анти-геј ставови кога законодавната комисија во 2007 година започна да ги разгледува измените во законите со кои би се овозоможило граѓанско партнерство за истополовите парови – Роберто Аранго беше најгласен противник.

Со поддршка на религиозни организации и лобирањето на Аранго, законот за воведување граѓански партнерства за истополови парови не стапи на сила, а наскоро беше усвоен уставниот амандман со кој се забранува правно признавање на какви било односи во кои не се вклучени еден маж и една жена. Аранго, се разбира, гласаше за тоа, како и останатите 19 членови на Сенатот, но тој закон беше блокиран.

Затоа и не беше премногу изненадувачки што медиумите на апликацијата „Grindr“ открија голи фотографии од овој хомофобичен сенатор.

Аранго си поднесе оставка, обвинувајќи ги своите политички противници за заговор. Тој призна дека станува збор за негови фотографии, кои ги објавил на апликацијата, но со прилично смешно објаснување: „Во последно време сум на диета. Додека губев килограми, се фотографирав. Не се сеќавам дека сум ја направил таа фотографија од себе, но, нема да кажам ниту дека го направив тоа. Ако се сеќавам дека сум ја направил, ќе ви кажев“.

Републикански пратеник му платил на 18-годишно момче за средба во хотелска соба

Неубедлив демант на медиумите им понуди и републиканскиот пратеник во Индијана, Фил Хинкл, откако се дозна дека тој договорил средба со 18-годишно момче во хотелска соба преку „Craigslist“. Во преписка со момчето, Хинкл напишал дека сака „добра забава“ и му платил 80 долари за да се сретнат.

Кога приказната се појави во јавноста, политичарот, кој често се повикуваше на Христос во својата кариера и беше во брак со жена, за локалните медиуми објасни „Ние само зборувавме за бејзбол и гледавме низ прозорецот“. На прашањето на новинарите дали можеби е хомосексуалец, Хинкл цврсто рече дека не е, но одби да каже дали претходно договарал слични средби.

Поранешниот републикански сенатор Лери Крег од Ајдахо беше уапсен поради заведување во јавен тоалет. Крег, кој гласаше против кој било закон со кој се бара правна заштита за ЛГБТИ лицата, ја прогласи целата работа за недоразбирање. Имено, полицаец во цивилна облека погрешно го протолкувал неговото однесување, бидејќи Крег, како што изјави, имал „широки нозе“, па се чинело дека му го нуди својот задник, а тој само уринирал. Сепак, неговата политичка кариера беше завршена и никој не поверува во неговото објаснување.

Славниот пастор кој сака мажи и кристален мет

Постојат уште повеќе примери на верски водачи кои шират хомофобија, а потоа се покажале дека се хомосексуалци.

Најпознат е случајот со пасторот на фундаменталистичка црква, Тед Хагард, кој во американската јавност беше познат како гласен противник на хомосексуалците.

Откако сексуалниот работник Мајк Џоунс откри дека Хагард му бил клиент, пасторот се бранеше во јавноста: „Го повикав за да купам дрога, која потоа ја фрлив. Бев во искушение, но не конзумирав“.

Дрогата што Хагард ја споменува е метамфетамин, позната како кристален мет, инаку многу опасен опијат, така што неговото објаснување одговара на ставот дека е подобро да се биде зависник од дрога отколку геј.

Додуша, никој не поверува во приказната на пасторот Хагард. Тој беше повлечен од сите должности и протеран од црквата. За него беше снимен документарец во продукција на „ХБО“, а подоцна глумеше и во реално шоу за самиот себеси. Тој сè уште тврди дека не е геј, се разбира.

Со години се фалеше дека „лекува“ хомосексуалност – фатен со младо момче што го нашол на „Rentboy“

Меѓу христијанските активисти кои се издвојуваат по своите хомофобични ставови, еден од најпознатите беше Џорџ Рекерс. Тој има напишано и неколку книги во кои зборува за третман на хомосексуалноста, кои се обидел да ги примени во пракса. Резултатот беше самоубиство на Кирк Марфи, момче кое Рекерс во 1970-тите години го „лечел“ затоа што сакал да си игра со барбики.

Тогаш медиумите во Мајами го фатија Рекерс на аеродром, како се враќа од одмор во друштво на едно убаво момче. Наскоро се покажа дека Рекерс го ангажирал младиот човек преку секс-порталот „Rentboy“. Рекерс тврдеше дека имал операција на грбот и дека го ангажирал момчето да го носи неговиот багаж. Неговото објаснување буквално падна во вода откако беа објавени фотографии од него и младото момче, кои јасно покажуваат дека токму Рекерс ги влече сите куфери на аеродромот.