Најдобрите македонски судии, Ѓорѓи Начевски и Славе Николов добија нова задача на Олимписките игри во Париз каде што ќе делат правда во едно полуфинале.

Начевски и Николов се делегирани да судат на европското дерби помеѓу Германија и Шпанија кое се игра од 16:30 часот и за нив ова ќе биде петти натпревар во Париз.

Посебно е интересно што македонската судиска двојка веќе делеше правда во натпревар на Германија и Шпанија на овие Олимписки игри во групната фаза. Тој дуел заврши со победа на Германија од 33:31.

Од останатите средби делеа правда на дуелите: Данска – Норвешка, Хрватска – Словенија и Унгарија – Египет.