Најдобриот стрелец на Африканскиот Куп на Нации исфрлен од репрезентацијата, обвини за корпуција и измами
Вистински хаос владее во сојузот и репрезентацијата на Екваторијална Гвинија по неодамна завршниот Африкански Куп на Нации.
Препорачано
Оваа селекција како првопласирана екипа ја помина групата, но уште на стартот на нокаут фазата беа елиминирани. Тогаш настанаа проблеми кои резултираа со суспензија на најдобриот стрелец на Купот на Африкански Нации, Емилио Нсуе, како и неговиот соиграч Ибан Салвадор.
Нсуе и Салвадор се суспендирани поради неколку сериозни епизоди недисциплина, а по враќањето од турнирот се случил инцидент во кој реагирала и полицијата.
„Ме исфрлија без никакво објаснување, измислуваат илегален внатрешен режим. Ме понижија ширум светот. Ќе умрам за својата земја. Репрезентацијата е над се и над секого, мора да биде така. Измамници. Земаа милион евра. Милион евра! Знаете што не ветуваа? Ни зборуваа дека парите ќе одат за локална лига и подобрување на фудбалот во нашата земја. Мора да се реконструира комплетната држава, плаќаат луѓе кои не работат. Тоа е еден круг, лажговици и измамници“, жестоко критикуваше Нсуе.
