Прелевањето на нафта, кое потекнува од најголемата сириска рафинерија, расте и се шири низ Средоземното Море, а денеска би можело да стигне до островот Кипар, објавија кипарските власти.

Сириските власти минатата недела рекоа дека резервоар за гориво од 15.000 тони почнал да протекува на 23 август од термоцентралата во сирискиот крајбрежен град Банијас.

Анализите на сателитските снимки направени од Orbital EOS покажуваат дека истекувањето на нафта било поголемо отколку што првично се мислело и дека се протега на површина со приближно иста големина како Њујорк.

Компанијата за Си-Ен-Ен изјави дека нафтената дамка била на околу седум километри од кипарскиот брег.

„Ова сигурно ќе влијае врз животот на многу семејства“

Жител на Банијас за Си-Ен-Ен изјави дека поголемиот брег е загаден.

„Не ни требаше ова, веќе е тешко да се заработи за живот овде и ова сигурно ќе влијае на животот на многу семејства. Владата испрати само тимови со сунѓери и црева за вода, тие немаат капацитет да се справат со ова – не можете да го исчистите морето со сунѓери “, додаде тој.

Во санација е вклучена и Турција, која има граница и крајбрежје со Сирија.