Младите надежи на Македонија Ѓорче Петров се новите освојувачи на Купот на Македонија за помлади пионери, откако на теренот на тренинг-центарот „Петар Милошевски“ денеска го совладаа тимот на Работнички со 3-1 во финалето исполнето со борбеност, емоции и квалитетен фудбал.

Хероите на натпреварот беа Стефан Ристиќ и Лука Кнежевиќ, кои ги постигнаа головите за важната победа на „лавовите“ од Ѓорче.

Македонија Ѓ.П. го отвори резултатот во 21. минута преку Ристиќ, кој со прецизен удар донесе водство од 1-0. Само пет минути подоцна, истиот фудбалер повторно беше на вистинското место, зголемувајќи ја предноста на својот тим на 2-0.

Работнички не се предаде и во 43. минута Алек Трпковски намали на 2-1 и врати надежта кај „романтичарите“, кои во второто полувреме се обидоа да стигнат до израмнување. Двете екипи имаа шанси, но дефанзивните линии и голманите беа на висина на задачата.

Сепак, конечниот удар го зададе Лука Кнежевиќ, кој во 77. минута го погоди противничкиот гол за конечни 3-1 и го реши прашањето на победникот.

Финале – Куп на Македонија за помлади пионери:

Работнички – Македонија Ѓ.П. 1:3 (1:2)
Стрелци:
Алек Трпковски (43′) – Работнички
Стефан Ристиќ (21′, 26′), Лука Кнежевиќ (77′) – Македонија Ѓ.П.

Состави:
Работнички: Коста Стојановски, Амер Бајрами, Давид Лиотоски, Мартин Боцев, Михаел Аврамовски, Алек Трпковски, Бљерон Буши, Ердин Мамуди, Горјан Ѓапиќ, Дарин Михајловски, Игор Трпковски
Тренер: Марко Арсовски

Македонија Ѓ.П.: Андреј Јанкуловски, Филип Наумовски, Теодор Љубомировски, Горјан Петковски, Стефан Ристиќ, Алек Чедомирски, Лука Лазаревски, Јован Гиевски, Огнен Сивевски, Михаил Митрески, Мартин Џангаровски