Еден милион хрватски граѓани имаат помалку од 100 евра заштеди на своите банкарски сметки, а една третина од нив едвај имаат едно евро, покажува анализата на Вечерњи лист.

Од друга страна, има 923 милионери кои во просек имаат по 2,5 милиони евра.

Хрватските милионери поседуваат 6,22 насто од вкупните заштеди во земјата, што е половина од уделот на екстремно богатите луѓе во споредба со Германија или Холандија.

Но, затоа во Хрватска има многу луѓе кои живеат од плата до плата или од пензија до пензија. Хрватската народна банка објави податоци за распределбата на парите на банкарските сметки на крајот на 2024 година. Според нив, околу 342.000 сопственици на банкарски сметки имаат само едно евро на таа сметка, уште 342.000 достигнале до 14 евра, а следната третина до 85 евра.