Повеќе од 240 луѓе загинаа во авионската несреќа во индискиот град Ахмедабад, Меѓу загинатите се патниците од авионот Боинг 787 на „Ер Индија“ и студенти на Медицинскиот факултет, кој се наоѓал во близина на аеродромот во Ахмедабад .

Како што соопшти Ројтерс, информацијата на полицијата дека претходно објавениот број на жртви од 294 е погрешен поради двојно пребројување на некои од телата.

Дел од индиските медиуми објавија дека Британецот Вишваш Кумар Рамеш е единствениот потврден патник кој ја преживеал несреќата.

Според извештајот на Федерацијата на индиски медицински здруженија, повеќето патници од авионот биле префрлени во болница без знаци на живот.

Сопственикот на „Ер Индија“ најави дека ќе ги покрие медицинските трошоци за повредените

Патнички авион на „Ер Индија“ со повеќе од 240 патници се урна денеска при полетување на аеродромот во западниот индиски град Ахмедабад.

Авионот требало да лета за Лондон, а меѓу патниците имало државјани на Индија, Велика Британија, Канада и Португалија.