Центрите за вакцинација низ цела Франција изминативе недели се уништувани во знак на протест против новите мерки на владата на Макрон. На ѕидовите од просториите биле напишани разни нацистички симболи, пренесува Ројтерс.

Во изминативе денови на бројни аптеки, места за вакцинирање и амбуланти биле напишани свастики и слични нацистички симболи.

Истите тие симболи биле приметени и на протестите во Франција во изминативе денови.

Во градот Ноил-Понт-Пјер во близина на долината на Лоара, минатиот месец биле нацртани Давидови ѕвезди на еден од центрите за вакцинација.

Нападите се зголемиле откако оваа недела Франција ги објави новите мерки.

Во неделата, вработени во центарот за вакцинација во Тулус, пронашле лист на кој пишувало „Еден ден, сето ова ќе експлодира“, пренесуваат локалните медиуми.

Франција донесе нови строги мерки во борбата против пандемијата, кои на народот не им се допаднаа.

Франција на нозе: Протести против здравствените дозволи кои ги воведе Макрон