За време на техно забавата „Rave The Planet“, одржана во Берлин , се случија неколку инциденти во кои беа повредени 89 лица, соопшти градската противпожарна служба, додавајќи дека 69 учесници се хоспитализирани, додека неколку лица добиле повреди опасни по живот.

За време на оваа масовна забава на дожд, здравствените екипи интервенирале кај околу 400 луѓе, а како што е наведено, најчесто станувало збор за здравствени проблеми предизвикани од прекумерна консумација на алкохол и дрога, пишува германскиот Билд.

Според проценките на организаторите, на настанот, кој траел до доцна навечер и покрај дождливото време, присуствувале околу 200.000 луѓе во берлинскиот Тиергартен.

Според „Билд“, минатата година на оваа техно забава присуствувале околу 300.000 луѓе, а во тој период биле регистрирани околу 600 интервенции на брзата помош.