На војвотката од Јорк, Сара Фергусон (64) ѝ е дијагностициран рак на кожата, само шест месеци откако беше лекувана од рак на дојка, објави „Скај њуз“.

На Фергусон ѝ е дијагностициран малигнен меланом (форма на рак на кожата) откако ѝ беа отстранети неколку бенки, но едната се покажала како канцерогена.

Портпаролот на поранешната сопруга на братот на британскиот крал Чарлс, принцот Ендру, вели дека војвотката не го изгубила духот и покрај дијагнозата.

Таа ќе помине низ дополнителни проверки за да утврди дали ракот е дијагностициран во рана фаза, додаде портпаролот.

„Нејзиниот дерматолог побара да се анализираат неколку бенки отстранети во исто време кога војвотката беше подложена на реконструктивна операција по нејзината мастектомија, а едн од нив беше идентификувана како канцерогена. Очигледно, новата дијагноза, по ракот на дојката, е вознемирувачка, но војвотката остана расположена“, велат од порталот.