Шведскиот напаѓач Виктор Ѓекереш (27) и Спортинг влегуваат во многу напната фаза пред летниот преоден рок, објавија португалските медиуми. Иако постоел претходен договор за трансфер вреден околу 65 милиони евра со бонуси, претседателот на португалскиот гигант сега инсистира на поголема сума.

Тимот на Ѓекереш ја задржува својата позиција и се повикува на првичниот договор, но раководството на Спортинг, откако од клубот си замина спортскиот директор Уго Вијана, бара повисока сума, иако таа сè уште е под откупната клаузула која изнесува 100 милиони евра.

Оваа ненадејна промена на условите сериозно го налутила шведскиот голгетер, кој чувствува дека клубот не ги почитува ветувањата дадени претходно. Неговиот табор очекува ситуацијата да се разреши наскоро, имајќи предвид дека Ѓекереш даде огромен придонес за успесите на клубот.

Да потсетиме, Ѓокереш пристигна во Лисабон летото 2023 година од англиски Ковентри во трансфер вреден 24 милиони евра.

Оваа сезона беше неверојатно ефикасен и на 52 натпревари во сите натпреварувања постигна дури 54 голови и забележа 13 асистенции, ставајќи го своето име меѓу најбараните напаѓачи на европскиот пазар.

 

View this post on Instagram

 

A post shared by Fabrizio Romano (@fabriziorom)