Почесниот претседател на Баерн Минхен, Ули Хенес, завршил во болница откако му се слошило за време на хуманитарен голф турнир, пренесуваат германските медиуми.

Причината за итната интервенција била пукање на вена, по што Хенес бил веднаш пренесен во најблиската медицинска установа. Според истите извори, неговата здравствена состојба во прв момент била сериозна, но докторите успеале навреме да реагираат и да го стабилизираат.

По укажаната помош во болницата, Хенес е отпуштен на домашно лекување, каде што ја продолжува рехабилитацијата.

Хенес остави длабока трага и како фудбалер и како функционер на Баерн. Настапуваше за баварскиот гигант од 1970 до 1978 година, освојувајќи три титули во Бундеслигата и три трофеи во Купот на Германија. Беше дел и од славната генерација на репрезентацијата на Западна Германија која стана светски шампион во 1974 година и европски во 1972. По крајот на активната кариера, Хенес остана во клубот, најпрво како спортски директор, подоцна и претседател.