На новите еколошки автобуси кои денеска му беа донирани на Скопје, поточно на ЈСП, се забележани правописни грешки на налепниците, па ќе бидат заменети со нови.

Новите автобуси со компримиран природен гас, кои денеска преку УНОПС беа испорачани на Јавното сообраќајно претпријатие (ЈСП) во Скопје, а се донација од Европската Унија преку проектот „ЕУ за чист воздух”, пристигнаа во Северна Македонија со ориентациони налепници на македонски, албански и англиски јазик од странскиот инвеститор, а на нив се забележани правописни грешки на албански и македонски јазик, соопштија од Министерството за животна средина.

Оттаму додаваат дека грешките биле веднаш воочени и поради тоа изготвени се нови налепници од страна на УНОПС, кои ќе бидат заменети пред пуштањето во употреба на шесте еколошки автобуси, наменети за подобрувањето на квалитетот на воздухот во градот Скопје.