На неверојатен начин екипата на Бохум се спаси од испаѓање од германската Бундеслига, а сега објави разделба со дури десет фудбалери. Бохум во двомечот од баражот прво беше поразен од Фортуна Дизелдорф со 3:0, а потоа во реваншот успеа да возврати на ист начин по 90 минути, па со гол во продолженијата и да го зачува прволигашкиот статус.

По тој натпревар следуваа големи промени во клубот. Прво си заминаа: Патрик Остерхаг (Фрајбург), Андреас Лут (крај на кариерата) и Данило Соарес (Нирнберг), а во петокот Бохум ја информираше јавноста дека летово заминуваат уште седум играчи.

Помеѓу оние што заминаа се: Кевин Штегер на кого му истече договорот, потоа Такума Асано кој одигра 90 натпревари и постигна 14 гола, па Кевен Шлотерберг и Гонзало Пасиенца, додека резервниот голман Михаел Есер од наредната сезона ќе биде во стручниот штаб. Исто така заминаа и Филип Форстер и Мориц Ромлинг.

Бохум на Агон Елези обезбеди опстанок во Бундес лигата