На Лестер сити му се заканува рекордно одземање бодови
Фудбалерите на Лестер сити оваа сезона завршија како првопласирани во Чемпионшип шампионатот, а од следната повторно ќе бидат членови на Премиер лигата.
Препорачано
-
1
-
2
-
3
Под знак прашалник е како ќе изгледа новата премиерлигашка сезона доколку се остварат заканите за заминување на менаџерот и одземање на рекорден број бодови поради прекршување на Финансискиот фер-плеј, пренесува „Скај Спортс“.
Енцо Мареска ќе се пресели од Лестер на клупата на Челси, објавија англиските медиуми. Тој наводно ќе биде заменет од Греам Потер или Карлос Корберан.
Заминувањето на менаџерот нема да биде најголемиот проблем со кој се соочуваат повратниците во Премиер лигата.
? Leicester City are at risk of a RECORD points deduction from the Premier League as they await their penalty for breaching Profit and Sustainability Rules.
(Source: Sun Sport) pic.twitter.com/ZUhJA9tqNE
— Transfer News Live (@DeadlineDayLive) May 29, 2024
Лестер Сити може да биде казнет со одземање бодови, не се знае точно колкава ќе биде казната за прекршување на Финансискиот фер-плеј, но се наведува дека таа треба да биде меѓу шест и 15 бодови. Тоа би било тежок удар за амбициите на клубот за опстанок во Премиер лигата.
Најголемата казна кога е во прашање одземањето бодови од англиската Премиер лига е досудена во сезоната 2009/10. Тогаш на Портсмут му беа одземени девет бода, а сезоната ја заврши со испаѓање во Чемпионшип.
