Поранешниот англиски фудбалер Стјуарт Пирс се соочил со здравствени проблеми при летот со кој се враќал од САД.

Летот на Хитроу бил пренасочен кон Св.Џонс во Канада откак Пирс почувствувал силни болки и бил пренесен во болница. Откако го оставил Пирс авионот го продолжил летот и пристигнал во Велика Британија, но шест часа подоцна од планираното.

Засега не се познати деталите за здравствената состојба на славниот фудбалер.

Во својата кариера Пирс одигра над 700 натпревари, а дресот на Англија го носеше 78 пати. Еден период беше и капитен, додека како тренер помеѓу останатите ги водеше Манчестер сити и репрезентацијата на Англија.