Откако беше осудена на петгодишна забрана за занимавање со политика, на лидерката на француската ултрадесница, Марин Ле Пен, ѝ беа одземени сите политички мандати на републиканско ниво, освен функцијата советничка, која засега ќе ја задржи во локалната самоуправа на департманот Па де Кале.

Уредбата со која се формализира губењето на мандатот на Марин Ле Пен беше издадена оваа недела, објави дневниот весник „Монд“.

На 31 март, Марин Ле Пен беше осудена на четири години затвор, од кои две требаше да ги отслужи под електронски надзор, и парична казна од 100.000 евра, како и непосредна петгодишна забрана за гласање, што ја загрозува нејзината кандидатура за претседателските избори во 2027 година.