Во понеделник ќе се разгледува казната за одземање на 12 бодови на „Старата дама“ поради наводна измама во сметководството. Во јануари, Апелациониот суд му одзеде 15 бода на Јувентус, откако клубот беше прогласен за виновен за незаконски стекнати капитални добивки при трансфер на играчи и „средување на книгите“, но по жалбата, казната беше суспендирана на 20 април и на „црно-белите“ им беа вратени 15-те бода.

Тоа прашање е вратено на нова проценка до Федералниот апелационен суд, бидејќи се бараат појаснувања и измени врз основа на нови докази и се очекува намалување на казната.

„Кориере дело Спорт“ пренесува дека Јувентус ќе биде казнет со одземање на 12 бода во тековната сезона, со што торинскиот тим би останал без место во Лигата на шампионите.

Во случај овие натписи да се остварат, Јуве моментално ќе ја заземе осмата позиција со слаби изгледи за пласман во Конференциската лига. Јувентус моментално е втор на табелата, позиција која води во Лигата на шампионите.

Поради финансиски нерегуларности, беа упатени обвинувања против повеќето поранешни челници на Јувентус, меѓу кои и претседателот Андреа Ањели, кој поднесе оставка.

The Federal Court of Appeal will have its hearing on the Juventus capital gains scandal on Monday and increasing reports suggest the Serie A points penalty will be 12, a reduction from 15 https://t.co/8IoaakEyt3 #Juventus #SerieA #SerieATIM #Calcio

— Football Italia (@footballitalia) May 21, 2023