Активистите за човекови права во Нигер соопштија дека немаат пристап до највисоките политички претставници кои се приведени по воениот удар.

На 26 јули бунтовниците во армијата со државен удар го соборија од власт демократски избраниот претседател Мохамед Базум. Покрај Базум беа уапсени и неколку поранешни министри и други политичари.

Извршниот секретар на локалната група за човекови права Мрежа на организации за транспарентност и анализа на буџетот, Али Идриса изјави дека нивното барање да се посетат и да се провери состојбата на сменетите официјални претставници е одбиено.

Воената хунта ги држи Базум, неговата сопруга и синот во домашен притвор. Луѓе блиски на Базум велат дека им е исклучена струјата и водата и дека им недостига храна.

Армијата соопшти дека го товари претседателот за „велепредавство“ и поткопување на националната безбедност.

Доколку биде прогласен за виновен, тој може да се соочи со смртна казна, според кривичниот законик на Нигер