„Безбедноста на прво место. Доста, доста, доста! Последниот напад бара нулта толеранција. Имиграцијата премногу ја оптоварува нашата земја“, рече баварскиот премиер Маркус Зедер за време на прес-конференцијата што ја одржа пред неколку часа за вчерашниот напад врз децата во градинка, кој резултираше со смрт на момче на возраст од 2 години и 41-годишен маж.

Зедер повика на суспензија на визите за патување, особено за Авганистанците, повеќе депортации и помалку бегалци.

„Оние кои треба да заминат, мора да одат во својата татковина. На Германија и требаат центри за депортација “, рече баварскиот премиер и предложи државно финансирање на дневни специјални летови, со помалку процедури и бирократија, но и без готовина за депортираните мигранти.

Маркус Зедер, исто така, го критикуваше забрзувањето на процедурите за државјанство што минатата година ги реши владата на Шолц.

„Нашата партија смета дека тоа е погрешно и ќе го промени“, рече тој, мислејќи на Христијанско-социјалната унија (ЦСУ), партнер на Христијанско-демократската партија (ЦДУ), која ја предводи.

На истата прес-конференција, баварскиот министер за внатрешни работи, Јоаким Херман, рече дека од август имало само еден лет на мигранти во Авганистан и на канцеларот Олаф Шолц му порача да подготви „процедури за брза депортација“.

Инаку вчера, 28-годишниот Авганистанец Енамула О., кој вчера нападна деца кои биле на пат во парк во градот Асафенбург, влегол во Германија преку Бугарија и неодамна доброволно се претставил пред надлежните германски служби и побарал да бидат депортирани во Авганистан.

Според полицијата, тој некое време ги гледал децата во паркот и ненадејно ги нападнал со нож. Еден човек е убиен обидувајќи се да го спречи, додека една од наставничките била повредена во обидот да ги заштити децата. Уште едно дете е хоспитализирано со повреди.

ВИДЕО | Напад со нож во парк во Баварија, двајца мртви, осомничениот уапсен