Европската Унија мора да разгледа трговски договори со земји како Индија за да ја намали зависноста од Соединетите Американски Држави, со оглед на тоа што повисоките американски увозни тарифи ја поттикнуваат ЕУ да ги диверзифицира трговските врски, изјави денес претседателката на Европската комисија, Урсула фон дер Лајен.

„Сакаме да постигнеме договор со Индија оваа година“, изјави Фон дер Лајен на конференција со германски бизнис лидери, пренесе Ројтерс.

Таа изјави дека индискиот премиер Нарендра Моди ја уверил својата посветеност на оваа цел во телефонски разговор вчера.

„Водиме разговори со Јужна Африка, Малезија, Обединетите Арапски Емирати и други“, рече Фон дер Лајен.