Денеска се навршува една година од смртта на Атина Апостолова, доајен на македонската народна музика.

Атина Апостолова е родена на 20 мај 1946 година во Скопје, каде и дипломирала на Економскиот факултет.

Како пејачка на народна музика, беше позната по песните „Запејте мераклии“, „Цела вечер ќе ти пејам“, „Верувај ми“, „Усни румени“, „Те видов, и се заљубив“, „Иле Илија“ и многу други.

Таа имаше повеќе турнеји во Австралија, Канада и Америка. Во Австралија има настапувано со Круме Спасовски, Никола Бадев и Александар Сариевски.

Во својата долгогодишна кариера има испеано неколку дуети, а најпознати ѝ се со Ванчо Тарабунов („Верувај ми“) и Ефто Пупиновски („Скопските боеми“).

Ја доби наградата за животно дело на фестивалот „Тумба фест“ во 2023 година.