Eкипата на МЗТ Скопје фуриозно ја започна новата сезона во АБА2 лигата и славеше убедлива победа над тимот на Теодо од 68:50.

Од почетокот на натпреварот МЗТ покажа дека поквалитетен противник и доминираше на теренот, па предводени од Војдан Стојановски „штрковите“ се одлепија на 15:7 и така го примораа гостинскиот тренер да повика тајмаут.

По првиот период предноста на МЗТ изнесуваше осум разлика (21:13), а до крајот на паузата дојдоа и до 35:24.

Противникот имаше подобар старт на вториот дел и дојде на пет поени разлика, сепак од тој момент започна доминацијата на сино-белите на терените. Посебно цврсто изгледаше македонскиот претставник во одбраната и не дозволуваше лесни поени.

На крајот заслужена беше победа од 18 поени разлика (68:50). Војдан Стојановски беше најефикасен со 13 поени, Баковиќ постигна 12, а Андреј Маслинко ја заврши средбата со девет поени седум скокови.