Македонски музички продуцент, дискограф и текстописец на поп, ар-енд-би, хаус и хип-хоп музика Јован Јованов е роден на 27 мај 1981 година во Скопје. Музичко образование го започнал кога имал шест години. Свири пијано, гитара и ударни инструменти.

На 17 години започнал да работи со други уметници и го отворил неговото музичко студио. Пред да се отсели на 16 години, живеел во Скопје со неговата мајка и братот Иван Јованов.

Живее во Торонто, Онтарио, каде работи со канадски уметници како Алкс Велиз, Нортсајд Бенџи, Лирон и многу други. Јованов компонирал, напишал и продуцирал над 500 песни и добил многу награди и признанија. На меѓународно ниво неговите хитови имаат над 200 милиони прегледи на „Јутјуб“.

Неговите песни ја претставувале Македонија на Евровизија во 2004 година и 2009 година, и на Детската Евровизија во 2007 година. Тој исто така ја аранжирал песната на Влатко Илиевски за Евровизија 2011 година.

Јованов е добитник на три први награди на македонскиот фестивал Макфест, со неговите композиции „Магија“, изведена од музичката група Магија (1998), „Ти ме сакаш“, изведена од Јован Јованов и Маја Саздановска (2005) и „Не планирам“, изведена од Ламбе Алабаковски (2010). Добитник е и на две втори награди на Макфест за композициите: „300 години“, изведена од Адријан Гаџа (2005) и „Без тебе тивко умирам“, изведена од Некст тајм (2008). Исто така, тој е добитник на трети награди за композициите „Да те видам пак“, изведена од Јован Јованов (2003), „Сè на свое место“, изведена од Зоран Стаменковски (2006) и „Некаде после 2“ изведена од Елвир Мекиќ (2007).

Во 1998 година, Јованов ја формирал групата „Магија“ (1998-2001) во Македонија. Нивните песни ги вклучувале „Магија“ (Магија), Ди-џеј (DJ), „Светло се гасне“ и „Низ оган да минувам“.

Во 2001 година, Јованов го отворил сопственото студио за снимање „Јованов рекордс“. Тој соработувал со многу познати музичари од балканскиот регион, вклучувајќи ги Тоше Проески, Емина Јаховиќ, Ламбе Алабаковски, Адријан Гаџа, Слаткаристика, Тони Зен, Елвир Мекиќ, Бојан Маровиќ, Слаџа Делибашиќ, Next Time, Влатко Илиевски и Викторија Лоба.

Во 2007 година, тој ја отворил својата издавачка куќа „Јованов рекордс“. Неговата компанија работела со промоција на нови уметници и нивно планирање на кариерата. Тој станал менаџер на Елвир Мекиќ, Слаткаристика, Тони Зен и Некст Тајм.

Јованов снимил и издал две ЦД-а, „На мој начин“, „Инто ми требаш“ и настапил на бројни концерти и настапи низ Македонија. Јованов бил две години директор на најголемиот фестивал на поп-музика во Македонија – Макфест што се одржува во Штип. Макфест продуцирал повеќе од 1.000 песни, од кои многу станале хитови.

Јован во 2017 година го основал „Глобал мјузик ентертејмент“. G.M.E. Тој било водечки извор на обука за уметници во музичката индустрија во Торонто и модел за обука на индустријата на национално ниво. Центарот обезбедувал програми за развој на уметници, консултации за A & R, маркетинг, друштвени медиуми и помош за брендирање, студио за снимање, мастер часови за пеење, обука за изведба и сцена, кореографи, часови за пишување песни и музички часови за истакнување на креативниот уметник во пејачите.