И кога нема никаков тренерски ангажман, Мурињо секаде го привлекува вниманието, така и овојпат во интервјуто што го направи за шпанскиот „АС“.

Португалецот вели дека Кристијано Роналдо и Лионел Меси не се најдобрите кои ги гледал во животот и така „разочара“ голем дел од денешната популација љубители на фудбалот.

? Fue más que un gol.
¡Fue un FENÓMENO! ?

? 23 años de esta OBRA DE ARTE de @Ronaldo. #LaLigaHistory pic.twitter.com/haMIghk9pM

— LaLiga (@LaLiga) October 12, 2019

– Кој е според мене најдобриот? Повредите го уништуваат потенцијалот на најголема кариера. Никој не играл како бразилскиот Роналдо. Според талентот со него не може да се споредуваат ниту Меси ниту Кристијано Роналдо. Секако, Меси и Роналдо се 15 години во самиот врв на светскиот фудбал. Тие се кариера кои тешко некој во иднина може да ги достигне. Но, бразилскиот Роналдо е дефинитивно најталентираниот играч кој сум го гледал во животот. Тоа што правеше на само 19 години на терените е навистина неверојатно – рече Мурињо.

Роналдо Луис Назарио да Лима пред осум години се повлече од фудбалот, а Жозе Мурињо имаше прилика да соработува со него додека му беше помошник на Боби Робсон во Барселона во периодот од 1996-1997 година.

Да, ниту од блиску не постигнал толку многу голови како Меси и Кристијано, ниту толку многу трофеи, но барем може да се пофали со две светски титули со Бразил во 1994 и 1998 година и две титули на „Копа Америка“.