Англиската Премиер лига важи за најконкурентното и најсилното фудбалско првенство во светот, па токму затоа е вистинска реткост некој тренер да стигне до титулата уште во дебитантската сезона. Но, Холанѓанецот Арне Слот успеа токму во тоа и веднаш се запиша во историјата на Ливерпул и на англискиот фудбал.

Слот, кој на „Енфилд“ пристигна оваа сезона од Феенорд како наследник на Јирген Клоп, го предводеше тимот до доминантна титула во Премиер лигата. За „црвените“ ова е 20. шампионска круна, прва во новата ера по заминувањето на Клоп.

Со ова достигнување, Слот влезе во одбрано друштво на тренери кои успеале да освојат титула уште во својата прва сезона во Англија. Пред него, тоа им успеа на Жозе Мурињо (Челси, 2004/05), Карло Анчелоти (Челси, 2009/10), Антонио Конте (Челси, 2016/17) и Мануел Пелегрини (Манчестер Сити, 2013/14).

Холандскиот стратег со тоа покажа дека не е потребно долгорочно прилагодување за успех во Англија, доколку со себе има јасна визија, фудбалска дисциплина и модерен пристап. Слот не само што го скрши митот за тешкиот старт на новите тренери во Премиер лигата, туку и постави високи стандарди.

Arne Slot joins an elite club. ☝️ pic.twitter.com/wBY4C5akWj

— Premier League (@premierleague) April 27, 2025

Навивачите на Ливерпул изненадени: Арне не е вистинското име на Слот