Министерот за надворешни работи и надворешна трговија, Тимчо Муцунски, реагираше на денешната прес-конференција на СДСМ.

„На денешната прес-конференција на СДСМ беа изнесени целосно невистинити информации поврзани со мене како министер за надворешни работи и надворешна трговија, како и со институцијата со која раководам. Станува збор за лажни тврдења, кои не соодветствуваат со фактичката состојба. Проектот за кровната конструкција е тековно одржување на објектот на Министерството, со единствена цел превенција од натамошни оштетувања и поплавување – проблем што настана како резултат на несоодветното одржување на зградата во изминатите години, кога институцијата беше под раководство на ДУИ и СДСМ, вели Муцунски и додава дека ги повикува Богданка Кузеска и СДСМ во рок од 24 часа „јавно да се извинат за ширењето лажни информации“, во спротивно ќе поднесе тужба.