Градоначалникот на Аеродром, Тимчо Муцунски, го осуди вандализмот и уништување на автомобилот на поранешната претседателка на Советот на Град Скопје Љубица Јанчева кој се случи на паркингот во општина Аеродром. На Јанчева, автомобилот ѝ бил запечатен со пурпена.

Муцунски вели дека проблемот е во Министерството за внатрешни работи оти полиција никаде нема да врши редовни патроли.

„Почитувана госпоѓа Јанчева, досега неколку пати реагираме како Општина до МВР во врска со нивното дејствување во Аеродром и слабите контроли, неприсуството на полиција на терен и не добиваме никаков одговор. Во мојата програма нема опции од една или друга страна, сите се исти и затоа работиме со сите сили за една поинаква општина на која сите ќе сме горди. Ги повикувам институциите да преземат мерки, а ние ќе ги интензивираме нашите соработки со институциите за еден безбеден Аеродром за сите“, напиша Муцунски на својот фејсбук профил.

Актуелната претседателката на Советот на Град Скопје, Љубица Јанчева утрово беше непријатно изненадена кога на паркингот во Аеродром си го најде автомобилот испрскан со пур пена, со „затворени“ врати и хауба.

Со пур пена „затворен“ автомобилот на претседателката на Советот на Град Скопје Љубица Јанчева: Не сме животни, ова е варварски чин!