Маж и жена од Австралија, двајцата на 44-гoдишна возраст се обвинети за измама бидејќи лажирале дијагноза на рак кај својот шестгодишнен син, пишува Гардијан.

При измамата, родителите собрале 60.000 долари за лажно лекување на својот син, а за да биде поуверливо, шестгодишникот бил сликан во инвалидска количка, заврзан со фластери, а воедно и редовно му биле бричени главата и веѓите.

Случајот бил пријавен во полиција на 26 ноември, по што надлежните власти се поврзале со училиштето каде што детето учи и со училишната служба за заштита на децата.

-Одвратно е како луѓето сакаат подмолно да заработат од таква состојба каква што е ракот, којшто погодува толку многу семејства во нашата заедница, изјави заменик полицискиот комисионер Џон де Кандија.

Истрагата покажала дека детето е перфектно здраво без никакви болести или компликации.

-Синот користен за финансиска измама и неговата сестра, по извршената истрага веднаш биле одвоени од нивните родители и привремено биле згрижени од блиски роднини – додаде Де Кандија.