Мртовечницата во Бергамо конечно е празна, а градоначалникот на Бергамо објави фотографија од ентериерот на црквата без ковчези, откако последните неколку недели таа беше полна со починати пациенти од Ковид-19, особено ако се земе во предвид фактот дека таа бројка во Италија надмина 22.000 жртви.

Градоначалникот на Бергамо Џорџио Гори објави дека во период од 1 март до 12 април починале 795 сограѓани. Голем број жртви на коронавирусот починале без да бидат тестирани, ниту хоспитализирани.

За време на кризата, градските погребни служби не успеваа да постигнат со кремирање, па дел од телата беа праќани во други региони. Во петокот, еден таков конвој замина од главните гробишта на Бергамо.

Италија во петокот потврди дека се зголемува бројот на оздравени лица, повеќе од 2.500. Во Ломбардија, бројот на пациенти на интензивна нега падна под илјада, прв пат по месец дена

Здравствените работници минатата недела започнаа со тестирање во стотици најпогодени градови, вклучувајќи ги Бергамо, Бреша, Лоди, Кремона и Милано.

Експертот за јавно здравје, Волтер Рикиарди, во саботата предупреди за претпазливост за каков било оптимизам.

-Вториот бран не е претпоставка, туку сигурност. Затоа е важно да не се брзаме да ги ублажиме мерките, затоа што ни се заканува втор бран пред летото“, рече експертот, консултант на Светската здравствена организација (СЗО).

.