„Со тоа што Албанија се одвои од Македонија, има обиди за етничка поларизација. Тоа е многу опасно“ – рече лидерот на СДСМ, Венко Филипче, вечерва во „Клик Плус“ на ТВ21.

„Евроинтегративниот процес е усоглесување на законската регулатирва, затоа е многу важно Владата да го соопшти планот за во иднина кон европскиот пат. Ако тие не иницираат, таква седница на Собрание ќе иницира СДСМ“, рече Филипче.

Тој ја критикуваше ВМРО-ДПМНЕ, оценувајќи дека не ги продолжила политиките коишто претходните седум години СДСМ интезивно ги спроведувал и не ги зголемила платите и покрај тоа што сега нема инфлација.

„Ние се боревме со три последователни кризи со ковид кризата, економската и енергетската криза, но и покрај тоа просечната плата порасна од 22 илјади денари на над 40 илјади денари. Владата имаше шанса да потпише договор барем со вработените во образованието. За жал, потпишаа договор само за некакво усогласување, некаков смешен раст од 0,7 %, а требаше да добијат 12 % пораст на платите. Граѓаните со ваквиот пристап мора да знаат дека ќе имаат се помалку пари во џебовите еве и во пресрет на есента и во зимата кога вообичаено се очекуваат ценовни шокови“, рече Филипче.