фото: facebook.com/silenthunters64team

Мотоциклистот Синиша Кочоски е првиот Македонец со трофеј во ФИМ Европскиот шампионат

Македонскиот мотоциклист Синиша Кочоски, зад кого застана регионалниот лидер во приредување игри на среќа Mozzart, продолжува да одушевува со своите резултати и во новата сезона и стана првиот Македонец со подиум на престижниот ФИМ Европски шампионат!

Историски резултат за Македонија донесе мотоциклистот и член на „Сајлент Хантерс“, Синиша Кочоски. На првиот викенд од Алпе Адриа шампионатот, на патеката „Словакиа Ринг“ беше забележан голем успех.

Кочоски ја потврди својата одлична форма и на легендарната патека во Словачка и на двете трки го освои третото место во ФИМ Европскиот шампионат и со тоа стана првиот македонски мотоциклист со ваков успех.

– Задоволен сум од настапот и постигнатиот резултат. Со оглед на тоа што за првпат се натпреварувам на оваа патека, а претходно немав многу можност за тренинг, двата подиуми се огромен успех за мене. Ова ќе биде стимул плус за подобри резулати оваа сезона – рече Кочоски.

Покрај двете трети места на ФИМ Европскиот шампионат, Кочоски освои деветто и единаесетто место во силната конкуренција во Алпе Адриа.

Следен предизвик за Кочоски се двете трки во Серес, Грција во рамки од БМУ Европскиот шампионат, на кој минатата сезона беше шампион во најсилната категорија, а сега сезоната ја отвори со две втори места.

Кочоски минатиот месец потпиша договор за спонзорство со компанијата MОZZART, вистински поддржувач на македонските спортски шампиони.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот