Возачот на „Прамак Дукати“, Жоан Зарко славеше на Големата награда на Австралија, 16 трка од сезоната во Мото ГП шампионатот.

Во финишот на трката го престигна својот тимски колега Хорхе Мартин и со тоа ја забележа првата победа сезонава.

На крајот, Зарко ја помина целта две десетинки пред бранителот на титулата Франческо Бањаја, додека трет беше Фабио ди Џанантонио од „Гресини“. На крајот Мартин падна на петтото место, откако го претекна и Бецеки.

Бањаја е лидер во првенството со 366 бодови, 27 повеќе од Мартин.

Следниот викенд е трката Големата награда на Тајланд, а претходно има спринт на „Филип Ајленд“ ноќта меѓу сабота и недела.