Возачот на „Априлија“, Марко Бецеки, е победник на денешната трка, која се одржа во рамките на Големата награда на Велика Британија во Мото ГП шампионатот.

Бецеки ја оствари својата четврта победа во категоријата Мого ГП, а прва оваа сезона.

Италијанскиот натпреварувач дојде до победата победата со време од 38:16.037 минути.

Втор беше возачот на Хонда, Жоан Зарко, со заостанување од 4,088 секунди зад Бецеки, додека трет е Марк Маркез.

Во генералниот пласман Марк Маркез има 196 бодови, пред Алекс Маркез со 192. Следната трка од Мото ГП шампионатот ќе се одржи во Арагон (6-8 јуни).