Екипата на Јувентус вчера им приреди ново разочарување на навивачите и доживеа елиминација во четвртфиналето од Купот на Италија од Емполи.

„Старата дама“ беше елиминирана по изведување на пенали откако во регуларниот дел беше 1:1.

Тренерот на Јувентус, Тијаго Мота беше искрен и не го криеше разочарувањето по натпреварот.

„Се срамам од она што го прикажавме, посебно во првото полувреме. Се надевам дека и фудбалерите исто се чувствуваат. Верувам дека ќе има реакција кај нив бидејќи го допревме дното. Се надевам и дека критиките од публиката ќе бидат посилни, вечерва беа премногу љубезни кон нас за она што го одигравме“, изјави Мота.

Јувентус зад себе има период во кој покрај елиминацијата од Купот на Италија, доживеа и елиминација од Лигата на шампионите каде што беше поразен од ПСВ во плејофот.

Емполи го елиминираше Јувентус за полуфинале во Купот на Италија